نيروز الإخبارية :
موضوع لا مكانه ولا زمنه المناسب للحديث عن أسعار الخبز ..
هو شو تبقى للمواطن غير الخبز وبعدين مين بقول سعر الخبز ما ارتفع تعالوا وشوفوا أسعار الخبز بالمخابز !!.
رغيف مشروح بسعر ١٥ قرش !!.
وقيس على ما تبقى أسعار ما عاد تناسب دخل الأغلبية الأكثرية...
ياريت موضوع رفع الأسعار والضرائب ما يطرح ولو مجرد تمتمه !!!..
بكفي يلي فينا بكفي فواتير الكهرباء والميه والمحروقات حتى صحن الحمص والفول ما عاد حمص ولا فول ولافلافل وبلاش ندخل على كافة السلع كيف تغير الطعم ما عاد طعم وحياتكم ...
والرواتب من سنوات زي ما هي!!!.
وسيارات المسؤولين كل عام تتغير حسب موديل السنه علشان الشياكه ورسم الحكاية
وربك هو المعين .
خلوا الطبق مستور نحن ياقوم لا ناكل الاجبان الفرنسية ولا ما يستورد من أوروبا نحن نتناول ما تيسر وابسط ما هو متوفر .
ومنقول الحمد لله.
بلاش اللعب بالنار لقمة الأغلبية خط احمر احمر احمر هي نصيحة علشان نبقى بسلام والسلام عليكم يوم تموتوا ويوم تبعثون..
حمى الله مملكتنا والهواشم. والجيش والأجهزة الأمنية درع الوطن والمرابطين بالقدس والاقصى وغزة هاشم وجنين ونابلس والخليل وطول كرم.
كاتب شعبي محمد الهياجنه
